“Hindi pa huli ang lahat para sa atin, Faith. Hindi na natin maibabalik ang mga taong nagdaan pero puwede pa tayong magkasama-sama, `di ba? And this time, hindi na tayo magkakahiwalay pa. I love you. Kahit kailan, hindi nagawang alisin ng galit ang pag-ibig ko sa iyo.”

Napakaganda ng plano nina Faith at Patrick para sa kinabukasan nila. Pagkapasa ng binata sa board exam ay magpapakasal na sila. Pero nang araw na lumabas ang resulta ng board exam, bigla na lang itong nawala na parang bula.

Masamang-masama ang loob ni Faith, lalo na nang matuklasan niyang may dapat nang panagutan ang lalaki sa kanya.

Para makaiwas sa kahihiyan at mabawasan kahit paano ang kasalanan niya sa kanyang ina, pumayag si Faith sa alok ng best friend niya na magpakasal dito.

Makalipas ang anim na taon, muli silang nagkita ni Patrick. At sinabi nitong mahal pa rin daw siya nito…