“Manliligaw ako at paghihirapan ko ang ‘oo’ mo.”

“Paul is cheating on you.”
Mahina lamang iyong sinabi ni Jacob ngunit parang bombang sumabog sa pandinig ni Blaire. Ni sa hinagap ay hindi niya naisip na maririnig ang masakit na balitang iyon, and the worst, mula mismo sa bibig ni Jacob Valencia, ang lalaking kinaiinisan niya noon pa man.
Ayaw ni Blaire na paniwalaan ang sinabi ni Jacob.
Dahil sa pagkabigo at pagtuklas kung totoo ngang niloloko siya ng kanyang boyfriend, pansamantalang lumayo si Blaire. Pero hindi niya akalaing susundan siya ni Jacob.
“I felt responsible for your sadness. Ako ang naghatid sa `yo ng balita, hayaan mong samahan kita sa pagtuklas mo sa totoo.”
Blaire wanted to believe in his words. Mismong ang kanyang puso na biglang nalito sa presensiya ni Jacob ang nagdidiktang panghawakan niya ang salita ng isang Jacob Valencia.