“You are my favorite kind of angel—not so perfect, sinful, yet your wings shine the brightest. I love you.”

Labinlimang taong namuhay si Portia na wala siyang maalala sa nakaraan. At nang magbalik ang alaala, nagbalik din ang galit sa kanyang dibdib para kay Yuri, ang taong sinisi niya kung bakit hindi na niya kasama ngayon ang kakambal nitong si Yohan, ang kaisa-isang lalaking kanyang minahal. Kaya dala ng emosyon ay sinugod agad niya si Yuri at walang pagdadalawang-isip na sinampal kesehodang nasa gitna ito ng press con ng kinabibilangang sikat na bandang The Mortals.
Akala ni Portia ay luluwag na ang kanyang dibdib sa ginawa. Hindi pala. Dahil pagkatapos ng insidenteng iyon ay lagi nang nakasunod sa kanya si Yuri, parang hindi sikat kung magpatambay-tambay kung saan man siya naroon. Ang dating tuloy ay para na rin nitong sinusuyo ang kanyang puso!
Hindi kasi naging ganoon kalapit sa kanya si Yuri noon. Pero ngayon, sa hindi malamang dahilan, pamilyar na pamilyar ang mga hawak nito sa kanya. Nang halikan siya ni Yuri, sigurado siyang iyon ang unang pagkakataon pero pakiramdam niya, parang noon pa siya nito nahagkan. Parang noon pa siya nito minamahal…
Litong-lito na tuloy ang puso niyang nangakong hindi na muling titibok para sa iba