“I am now in the ocean of loneliness, of fear, and of doubt. And you’re the reason why I’m still not drowning… You’re keeping me alive.”

Ako si Clotilde at isa akong witch. Nananahimik kami sa Hertsford, ang kaharian namin. Wala kaming kinukulam habang tumatawang naghahalo sa kawali.
Pero nanganganib masira ang katahimikang iyon dahil may darating na nilalang na wawasak sa aming kaharian. At kailangan namin siyang mapigilan.
Nagpasya ako at ang mga kaibigan kong witch na gumawa ng isang tagapagligtas. Ang tagapagligtas na magtataglay ng mga perpektong katangian na kukunin namin sa ibang mortal.
Katalinuhan ang kailangan kong kunin. Kaya pumunta ako kay Joselito—ang genius kong crush since elementary. ‘Ninakaw’ ko ang katalinuhan niya para magawa ang tagapagligtas namin.
Ano ang consequence? Naging sobrang dependent ni Joselito sa akin. Wala na siyang pakialam sa Algebra at clueless na sa Big Bang Theory. Kahit nga pagligo, hindi na marunong.
So, ngayon, kailangan kong turuan?
Ay, ang saya! Bet na bet ko!