"Porke ba crush mo `ko, wala na `kong karapatang tumingin sa ibang babae? Aba'y kung bibigyan ko ng konsiderasyon ang lahat ng may gusto sa `kin, hindi na `ko liligaya!"

Isang guwapo at matipunong binata ang naispatan ni URSULA sa probinsiya-si DONATO. Walang inaksayang sandali ang señorita na na-love at first sight. Umakyat siya ng bundok at nagdaos ng pekeng party para lang mapalapit sa makisig na binata.

Pero wa epek. Maski ano ang gawin niya, hindi tablan ng alindog niya ang binatang maraming lihim. Mas type ni Donato ang mga babae sa pipitsuging nightclubs na tambayan nito gabi-gabi pagkatapos magrasyon ng mga saging. Saklap. Hindi ideal man.

Hindi nga ba?