Be Mine by Gretisbored

“If I don’t love you, then I don’t know what love is.”

May kakaiba agad akong naramdaman unang kita ko pa lang kay Nikolai, aka Engineer Bjornsen, isa sa mga inhinyerong Norwegian na nagtatrabaho sa building na kinontrata ng kompanyang pinagtatrabahuhan ko. 
Kaso nga lang, he was way too handsome for me. At hindi ako naniniwala na ang isang kagaya ni Nikolai ay mahuhulog ang loob sa isang ordinaryong babaeng tulad ko. Not when there were so many girls who were willing to throw themselves at him.
Pero sa hindi inaasahang pagkakataon, natupad ang inaasam-asam ng puso ko. Dahil sa akin nahulog si Nikolai. Hindi ko lang siya naging boyfriend, nag-propose pa siya sa akin ng kasal! Sigurado na ako kay Nikolai. Alam kong hindi niya ako lolokohin. Ramdam ko kasing mahal na mahal niya ako.
Kinailangan nang umalis ni Nikolai ng Pilipinas dahil sa trabaho pero nangako siyang dadalhin ako sa Norway pagkatapos. Pero nabalitaan ko na lang na nagkabalikan sila ng ex-girlfriend niya roon at nagpakasal pa.
Parang bombang sumabog iyon sa pandinig ko. Ang taong inakala kong akin, kailanman pala ay hindi naging akin.