“I’ve been waiting for you for such a long time. Bakit ba ang tagal-tagal mo? Kamuntik na akong sumuko sa paghihintay sa `yo.”

Siya si Breeze. Masipag na estudyante, mapagmahal at maalalahaning anak at kapatid. Pangarap niyang matulungan ang mga magulang kaya naman… “Hindi ko talaga priority ang love…”
Hanggang isang araw ay nakilala niya si Storm, exchange student mula sa California, USA. Guwapo, malakas ang appeal, sikat na campus figure. At malaking threat sa nananahimik niyang puso.
Handa si Breeze na gawin ang lahat para makaiwas sa “hagupit” ni Storm. Kaya lang, sa bawat pangungulit at paglapit ng binata, sa bawat pagprotekta at pag-aalala nito sa kanya, paano niya mapipigilan ang puso? Hindi iyon nararapat, lalo pa at aalis din naman si Storm at iiwan siya para harapin ang totoo nitong buhay sa bansang pinanggalingan. Wala silang pag-asa at hindi sila para sa isa’t isa…