“Don’t worry, I won’t kiss you again.”

Natupad ang pangarap ni Ernestine na magkandarapa sa paghabol sa kanya ang kanyang ex-boyfriend. Lawit ang dila niya sa pagtakbo habang tinutugis siya ng lalaki sa sementeryo. Mabuti na lang, may nakaparadang pickup truck doon. Sumampa siya at nagtago sa truck bed... ng isa pang lalaking tumutugis sa kanya—si Rader Humble. May atraso rin kasi siya kay Rader. Nang mahuli siya ng lalaki, walang-awang dinala siya nito sa presinto at ipinakulong. Dahil doon, binawi ng buong barangay ang korona ni Ernestine bilang Mutya ng Takipsilim. Hindi raw siya magandang halimbawa. Ah, magbabayad si Mr. Humble.