“Kahit ilang ulit mong sabihing binago ka ng panahon, hindi mababago ang nararamdaman ko para sa `yo, Amor. Walang makakapaghiwalay sa ating dalawa.”

Sa murang edad ay umusbong ang pag-ibig sa mga puso nina Maria Amor at Kenneth. Iyon ay sa kabila ng pagtutol ng papa ng binatilyo. Mayaman kasi ang pamilya nito.

Pero sa halip na itigil, ipinagpatuloy nila ang kanilang relasyon. Palihim silang nagkikita. Hanggang sa matuklasan ng papa ni Kenneth ang tungkol doon. Pinalayas nito ang buong pamilya ni Amor.

Sumumpa si Amor kay Kenneth na babalikan niya ito para ipagpatuloy ang pagmamahalan nila.

Napadpad ang pamilya niya sa Maynila. Gustuhin man niyang balikan si Kenneth ay hindi na niya magagawa. He deserved the best and it wasn’t her.

Pero muling nagkrus ang kanilang mga landas. Pilit niyang iniwasan si Kenneth pero lapit naman ito nang lapit sa kanya.

Aminado si Amor, malapit nang bumigay ang kanyang puso…