Pareho silang kulang sa pagmamahal, pareho ring takot magmahal. Pero paano kung isang gabing hindi nila sinasadyang magkatagpo ay kumawala ang mga damdaming matagal nilang pinigil at itinago?

Kailangang pakasalan ni Marshall ang babaeng itinakda ng ama na mapangasawa niya kung ayaw niyang mawala sa kanya ang kontrol sa kompanyang pag-aari nila.

Kailangan naman ni Cassandra ang lalaki para mabawi ang isang bagay na bubuo sa kanyang pagkatao.

Ang kasunduang iyon ay nababalot ng mga sekreto at panganib na sisira sa kanilang dalawa. Kailangan nilang aminin at tanggapin ang pag-ibig kahit pilit nilang itinatanggi.

Kung hindi kasi nila magagawa iyon, baka mahuli ang lahat bago nila matuklasan na hindi pala nila kayang mabuhay nang wala ang isa’t isa. Na baka ang balikan na lang nila ay ang gabing pinagsaluhan nila na puno ng nagliliyab na damdamin.

A night of flame.