Henry and Marie were best friends. Kahit na nga magkaibang-magkaiba ang mundong ginagalawan nila dahil literal na sa exclusive village nakatira si Henry habang sa squatters’ area naman nakatira si Marie at ang tita niya. Hindi iyon naging hadlang para mabuo ang isang masayang pagkakaibigan. Pero nang mag-break si Henry at ang girlfriend nito, nag-umpisa na ring maramdaman ni Marie na parang nag-iiba na ang pakikitungo sa kanya ng kaibigan. Mas naging malambing ito at madalas na parang nagpapalipad-hangin sa kanya. Idagdag pa ang makukulit na tao sa paligid na walang ginawa kundi sulsulan siya na bagay naman daw sila ni Henry. Bibigay na sana si Marie. Kung hindi lang lagi siyang sinasampal ng katotohanan na ang mga gaya nila ni Henry ang kahit kailan ay hinding-hindi magtatagpo ang mga puso.