“Hindi ako makapag-isip nang maayos. Hindi ko matiis na hindi ka makita…What are you doing to me?”

Nagbago ang buong buhay ni Sophie nang malaman na isa siyang ampon, na kabilang siya sa mayamang angkan ng mga Messer. Sa isang iglap ay nalagay siya sa panganib at hindi niya alam kung sino ang nagtatangka sa kanyang buhay. 
And then she met Adam, ang abogado ng patriyarka ng pamilya Messer na nautusang maghanap sa kanya. He promised to protect her—even from the family he was working for. Naniwala si Sophie kay Adam. Ipinagkatiwala niya rito ang kanyang buhay, at sa paglipas ng mga araw, pati ang kanyang puso. 
But Adam only saw her as a job. Iginiit nito na magkaiba ang extent ng nararamdaman nila para sa isa’t isa. His was just lust, and he laughed at the possibility that she fell in love with him in a short space of time. Ipinagdiinan pa ng binata na matatapos ang kanilang ugnayan kapag natiyak ang kaligtasan niya at maaari na siyang magpakilala sa kanyang tunay na pamilya.
Hindi alam ni Sophie kung ano ang mas kinatatakutan niya—ang nagbabantang panganib sa kanyang buhay, o ang tuluyang paghihiwalay nila ni Adam…