“Ipapaliwanag ko kung bakit hindi ko makuhang maging masaya. Isa lang naman ang dahilan, eh. Ikaw. Kasi wala ka. Sa tabi ko. Sa buhay ko.”

Hindi akalain ni Chrissa na isang araw, hihingi sa kanya ng tulong ang campus heartthrob na si Jassen para ligawan si Pretzel, ang isa sa mga pinakasikat na babae sa campus.
Pumayag naman siya at binigyan ang binata ng tips sa panliligaw ng babae. Iyon nga lang, mukhang mas nauna pang nahulog ang loob niya sa binata kaysa kay Pretzel. At nag-umpisa na siyang kiligin sa bawat oras na kasama si Jassen.
At dahil naging sweet din ang binata sa kanya at hinalikan pa siya, hindi mapigilan ni Chrissa na umasang baka maging sila sa huli.
Kung hindi lang sana niya nalaman na sinagot na ito ni Pretzel…