“Palagi kang ngumiti para lalo akong mabaliw sa kagandahan mo.”

Sa dinami-rami ng lalaki sa mundo, hindi alam ni Aleika kung bakit sa makulit at notorious playboy na si Kyle Jeremy Aragon pa natutong umibig ang pihikan niyang puso. At kung kailan handa na siyang tanggapin ang nararamdaman, kung kailan handa na siyang umamin, saka naman naaksidente ang kanyang kapatid.
Nangako siya sa Diyos na hindi na magmamahal at kalilimutan na ang damdamin para kay Kyle kapalit ng kaligtasan ng kanyang kapatid. Lumayo siya at umiwas. Pero pagkatapos ng napakahirap na dalawang taon na wala si Kyle sa buhay niya, muli na namang nagulo ng binata ang kanyang puso.
Ano ang gagawin niya? Hindi immune ang puso niya sa tawag ng pag-ibig. Pero hindi rin siya puwedeng sumuway sa pangako dahil hindi niya alam kung anong trahedya ang kapalit sakaling mahalin uli niya si Kyle.