“Handa ka na bang mamatay?”

Simpleng school na nabalot ng kakaibang mga pangyayari. Hindi inakala ni Xana na mauuwi sa masamang bangungot ang pagpasok niya sa school na iyon.
Nagsimula ang lahat sa pagkamatay ng isang estudyante hanggang sa magkasunod-sunod na ang malagim na paraan ng pagpatay. Wala silang magawa dahil once na pumasok sa paaralang iyon, wala nang takas. At isa lang ang may kagagawan niyon—ang kakaibang nilalang na tinatawag na Life Taker. Kinukuha nito ang inosenteng buhay ng mga estudyante para hanapin ang nawawalang anak.
At hindi papayag si Xana na madagdagan pa ang magbubuwis ng buhay, lalo na nang matuklasan niyang siya lang ang puwedeng makatalo sa Life Taker.
Lalabanan niya ito sa kahit anong paraan…