Sabi nila, first impression lasts. At dahil gustong baguhin ni Hue ang pangit na impression sa kanya ng first love niyang si Kaleido, gumawa siya ng ibang “character” na sasalo sa lahat ng kahihiyang nagawa niya noon sa harap ng lalaki. Binuo niya si ‘Color San Juan,’ ang reckless, tomboyish at shameless niyang… “identical twin sister.”
Effective naman ang drama ni Hue bilang ang “style” na babae ni Kaleido dahil naging close sila ngayong iniisip nitong siya nga ang feminine at well-mannered girl na pino-project niya. Para ngang crush na siya ni Kaleido, eh. `Yon nga lang, hate pa rin nito si Color na “kakambal” niya.
Pero imbes na matuwa, nalungkot lang si Hue. Na-realize kasi niyang mas mahirap palang umarte bilang ibang tao kaysa magpakatotoo na lang sa sarili…