“My bland and boring life needs someone like you who can put so many colors in it and make my every day outrageous.”

Once upon a time ay naging source of entertainment ni Cindy si Callum, ang guwapong doktor sa ospital na pinapasukan niya bilang residency trainee. Isang eskandalo ang ginawa niya sa ospital na talagang ikinairita ni Callum at halos masuklam pa ito sa kanya.
Inayos naman ni Cindy ang gulong nilikha at nangako pang lulubayan na si Callum. Na ginawa naman niya kahit mangangahulugang bihira na niya itong makikita sa ospital. Iyon nga lang, nang kaya na niyang hindi makita si Callum at nakatatagal na siyang hindi ito pag-trip-an, ang lalaki naman ang nagsimulang manggulo sa kanya. Sinisiraan pa nito ang kanyang manliligaw. At bigla na lang sinabi ni Callum na nami-miss siya kaya dapat daw na sagutin niya palagi ang mga text at mga tawag nito.
Hindi kaya binibiro lang siya ni Callum? Ito mismo ang nagsabi na hindi sila bagay. Paano haharapin ni Cindy ang pag-iiba ng ihip ng hangin sa pagitan nila ni Callum?