“Ang cute mo talagang kiligin…”

Dahil sa nangyari kay Naih, nag-decide si Dean Enrile na gumawa na ng aksiyon para sa mga taong kasali sa gulo. Kasama na doon sina Deib at Maxpein. Natanggap nila ang kani-kanilang parusa. 

Mula no’n, pinilit ni Deib na huwag pansinin ang kakaibang  nararamdaman para kay Maxpein. Naging okay na rin naman sila uli ni Kim. Ito ang mahal niya kaya ito lang dapat ang pinagtutuunan niya ng pansin. Lalo na’t napahamak ang babae dahil sa pagseselos kay Maxpein.

Pero habang tumatagal, may napapansin si Deib kay Kim, lalo na kapag may kinalaman kay Randall, ang boyfriend ng ate niyang si Dein.