“There will be no other woman in my life from now on except you. You’ll be my girl, my woman, and my love rolled into one.”

Nasa lobby ng pinagtatrabahuhang ospital si Angela nang biglang may humalik sa kanya na isang guwapong lalaki at sinabing girlfriend siya nito. Ginawa nito iyon para itaboy ang babaeng tila humahabol dito. Sa madaling salita, ginamit siya! Kaya naman nang muli silang magkita ay hindi niya natiis ang sarili at sinuntok ang lalaki.

Sa kasamaang-palad, mukhang madalas pa silang magkikita ni Jasper Arellano. Siya kasi ang personal nurse ng pinakamamahal nitong lola kaya sa iisang bahay sila nakatira.

Tuwing nasa malapit lang sila ng isa’t isa, hindi maikakaila ang sexual tension sa pagitan nila.

Hindi pa nai-in love si Angela, at mukhang si Jasper pa ang unang magpapatibok sa kanyang puso. Ngunit kaya ba niyang sumugal sa isang lalaking may reputasyon ng pagiging playboy?