Klook.com
top of page

I.   Gamit sa Patnubay ng Guro

A.  Gamit Bilang Panimulang Gawain Bago Ituro ang Isang Paksa:

  • Pumili ng angkop na card batay sa paksang tatalakayin.

  • Ipasagot ito sa mga mag-aaral upang masukat ang kanilang paunang kaalaman.

  • Talakayin ang mga sagot bilang bahagi ng pagpapakilala sa bagong aralin.

  • Gamitin ang mga sagot bilang batayan para matukoy kung aling konsepto ang kailangang mas pagtuunan ng pansin.

B.  Gamit Bilang Pangwakas na Gawain Pagkatapos Ituro ang Isang Paksa:

  • Pumili ng card na tumutugma sa araling tinalakay.

  • Ipasagot ito sa mga mag-aaral para masukat ang kanilang pang-unawa.

  • Iwasto ang mga sagot at talakayin ang mga maling sagot para matiyak ang tamang pagkatuto.

  • Gamitin ito bilang formative assessment para malaman kung handa na ang mga mag-aaral sa susunod na paksa.

C.  Gamit sa Pangkatang Gawain o Interaktibong Aktibidad:

  • Hatiin ang klase sa maliliit na grupo.

  • Magbigay ng isang set ng mga card sa bawat grupo at ipasagot ang mga ito sa kanila.

  • Hikayatin ang mga mag-aaral na magbahagi sa bawat tanong bago pumili ng sagot.

  • Talakayin ang sagot ng bawat grupo para mapalalim ang pagkatuto sa pamamagitan ng kolaborasyon.

D.  Gamit ng Guro Bilang Pantulong sa Pagtuturo:

  • Isama ang mga card bilang bahagi ng talakayan sa klase.

  • Gumamit ng card para bigyan ng aktibong pagsasanay ang mga mag-aaral sa loob ng aralin.

  • Gawing interaktibo ang pagtuturo sa pamamagitan ng pagsagot sa kard bilang isang klase o pangkatang aktibidad.

E.  Gamit sa Pagsubaybay sa Pag-unlad ng mga Mag-aaral:

  • Gumamit ng kaparehong set ng cards sa iba’t ibang bahagi ng taon upang makita ang antas ng pagkatuto ng bawat mag-aaral.

  • Itala ang resulta ng bawat pagsagot para makita ang mga paksa na nangangailangan ng higit pang pagsasanay.

  • Gamitin ang mga card bilang pre-assessment tool upang malaman kung handa na ang mag-aaral sa susunod na antas.

II.  Gamit sa Patnubay ng Magulang o Tagapag-alaga

A.  Gamit sa Pag-aaral sa Bahay:

  • Magsimula sa antas at bilang ng card na itinalaga ng magulang o tagapag-alaga.

  • Iwasto ang mga sagot sa papel gamit ang talaan ng mga sagot.

  • Balikan ang mga maling sagot at subukang muli.

  • Kapag mali pa rin ang sagot, maaaring magtanong ang mag-aaral sa guro o
    balikan at sagutan ang mga naunang card.

B.  Gamit sa Remediation o Pagpapalawak ng Kaalaman:

  • Pumili ng card na angkop sa antas ng pangangailangan ng mag-aaral.

  • Para sa mga nangangailangan ng dagdag na suporta, simulang muli sa mas
    madaling card bago lumipat sa mas mahirap na lebel.

  • Para sa mga mabilis matuto, maaaring gumamit ng mas mataas na antas ng card
    bilang hamon sa kanilang kasanayan.

  • Palaging gamitin ang mga card para mapanatili at mapalawak ang kaalaman ng
    mga mag-aaral.

III.  Para sa Sariling Paggamit ng M ag-aaral

A.  Gamit sa Paaralan:

  • Magsimula sa antas at bilang ng card na itinalaga ng guro.

  • Iwasto ang mga sagot sa papel gamit ang talaan ng mga sagot.

  • Balikan ang mga maling sagot at subukang muli.

  • Kapag mali pa rin ang sagot, maaaring magtanong sa guro o balikan at sagutan ang
    mga naunang card.

B.  Gamit sa Bahay:

  • Magsimula sa antas at bilang ng card na itinalaga ng magulang o tagapag-alaga.

  • Iwasto ang mga sagot sa papel gamit ang talaan ng mga sagot.

  • Balikan ang mga maling sagot at subukang muli.

  • Kapag mali pa rin ang sagot, maaaring humingi ng tulong sa
    magulang o balikan at sagutan ang mga naunang card.

You may browse our latest release of Math-Talas here.

bottom of page
Klook.com